107
२८ चैत्र २०८१, शुक्रबार १७:२७
चेन्नई सुपर किंग्सका कप्तान ऋतुराज गायकवाड कुहिनाको हड्डी भाँचिएका कारण आईपीएल २०२५ बाट बाहिरिएका छन्। समाचार एजेन्सी एएनआई र पीटीआईका अनुसार, यो चोटका कारण उनको स्थानमा टिमका पूर्वकप्तान महेन्द्र सिंह (एमएस) धोनीले कप्तानी सम्हाल्ने भएका छन्। प्रशिक्षक स्टिफन फ्लेमिङले बिहीबार यो कुराको पुष्टि गरेका हुन्।
अहिलेसम्म आईपीएलमा चेन्नईले ५ खेल खेलेकोमा जम्मा १ जित हासिल गरेको छ र १० टोलीको सूचीमा नवौँ स्थानमा छ। गायकवाडको अनुपस्थितिमा धोनीले बाँकी खेलमा नेतृत्व गर्नेछन्। अब शुक्रबार (चैत २८, २०८१ / अप्रिल ११, २०२५) मा चेन्नई सुपर किंग्स र कोलकाता नाइट राइडर्सबीच २५औँ खेल हुँदैछ। यो खेलमा धोनीको कप्तानीमा टिमले आफ्नो लय फर्काउने अपेक्षा गरिएको छ।
