रवीन्द्र मिश्र र धवलशमशेरसहित २० जना फेरि १५ दिन जेलमा थुनिने भएछन्। चैत १५ मा तीनकुनेमा राजावादीहरूले हंगामा मच्चाएर हिंसा फैलाएपछि यी सबैलाई प्रहरीले समात्या थियो। अनि अहिले जिल्ला अदालत काठमाडौंले मंगलबार भनिदियो – “ल, फेरि १५ दिन थुनमै बस!”
राप्रपाका ठूला हेडलाइनर रवीन्द्र मिश्र अनि धवलशमशेर राणा पनि यो टिममा छन्। चैत १५ को राति यिनीहरूलाई प्रहरीले झ्याप्प समात्या थियो। त्यो दिन त हालतै खराब भयो नि – दुई जनाको ज्यान गयो, ५० जनाभन्दा बढी घाइते भए, अनि करोडौँको सरकारी-निजी सम्पत्ति तोडफोड र आगोको माला लगाइदियो।
अहिले प्रहरीले यिनीहरूमाथि “राज्यविरुद्धको कसुर” र “संगठित अपराध” को कुरा निकालेर अनुसन्धान गरिराछ। त्यसैले अदालतले “हिरासतमै राखेर खोतल” भनेर म्याद थपिदिएको छ। यो काण्डमा अहिलेसम्म प्रहरीले ७३ जनालाई समातिसकेको छ, मंगलबारसम्मको गन्तीमा।
के हुन्छ त अब? यो गफ त अझै तातै छ, हेर्दै जाऔँ!
